Assets ni Jinggoy freeze muna — Sandiganbayan

PINAGBIGYAN ng Sandiganbayan ang kahilingan ng prosekusyon na bigyan ng freeze order ang P184 million assets ni Sen. Jinggoy Estrada dahil sa pork barrel cases na nakahain laban sa mambabatas.

Naniniwala ang mga nagsusulong ng kaso na dapat manatili sa banko ang mga ari-arian upang makuha ito ng gobyerno kung sakaling mapatunayan ang mga alegasyong pandarambong kay Estrada.

Bukod sa plunder, may mga kasong katiwalian din na nakasampa sa senador.

Agad magiging epektibo ang kautusan kapag naisilbi na ng court sheriff ang nasabing kautusan sa mga bankong may hawak ng assets ni Estrada.