PTV4, nagpapalabas na rin ng Koreanovela

ni Pilar Mateo

HERE Comes Mr. Oh! Akalain mo nga ‘yun! Pati pala ang ating government network, na PTV4 eh, kasama na rin sa bandwagon ng mga nagpapalabas ng Koreanovela.

Kahit na noon pang Nobyembre ng nagdaang taon ito nagsimulang umere sa People’s Television Channel 4, hindi naman ito nagpahuli sa lakas at laki ng nakuhang viewership.

Kaya nga naisip ng Korean team sa pangunguna ni Mr. James Chan na ilunsad sa press ang Here Comes Mr. Oh na tinatampukan nina Lee Jang-woo, Oh Yeon-seo, Jin Tae-hyun, at Seo Hyun-jin.

Napapanood ito sa PTV4 mula Lunes hanggang Biyernes at 5:30 p.m. na may replay din ng Lunes hanggang Biyernes, 11:00 a.m..

Ayon sa Chairman ng PKEI (PTV-Korean Entertainment Inc.) na si Joo Shik Min, alam ng nasabing mga Korean stars na ipinalalabas sa bansa ang kanilang soap. At may fan base na rin sila sa bansa.

Kaya naman may plano ang grupo nila na dalhin ang kanilang Korean stars to do projects with Pinoy actors dito and vice-versa.

Tatagal pa si Mr. Oh hanggang sa Hunyo ng taong ito pero nakahanda na ang susunod na soap, ang The Legendary Doctor tungkol sa old time physician ng Korea na may kakaibang galing sa panggagamot.

Nakatikim ng teaser ni Mr. Oh ang na-impress na press. At ‘di maitago ang mga tawanan sa mga eksena ng apat na bida.

Another welcome treat for Koreanovela suckers!