Binoe, dapat pag-aralan ang mga ginagawang pelikula (Para kumita naman at ‘di malugi…)

ni Ed de Leon

BAGSAK ang pelikula ni Robin Padilla sa takilya. Hindi rin naman masyadong naging maganda ang resulta sa pelikula ng dalawang nauna niyang ginawa. Iyong pinagtambalan nila ni Mariel na nag-shooting pa sa abroad, mahina. Iyong sumunod naman na star ang buong angkan nila, mahina rin. Iyang huli na sinasabi niyang P100-M ang puhunan, napakahina.

Dapat pag-aralan ni Robin ang kanyang mga proyektong ginagawa at ang nagiging takbo ng kanyang career. Oo at sikat pa rin siya. Kahit na sino ang tanungin mo imposibleng hindi kilala si Robin. Pero bakit hindi yata nila pinanonood ang kanyang mga pelikula?