HATAW! D'yaryo ng Bayan hatawtabloid.com
ni Ambet Nabus
MALAKAS ding maka-positive vibes ang music video ni Daniel Padilla na Pangako Sa ‘Yo.
Ibang-iba ang hagod ng kanta ni Daniel at ramdam mo rito ang kakaibang emosyon na mukhang may pinaghuhugutan na talaga hahaha!
Kompara sa mga previous song niya, mas lumabas na ang ganda ng boses ni Daniel at hindi kami magugulat kung very soon ay papalo ito nang husto sa sales kapag nai-release na commercially.
Napakagandang paghahanda para sa kanilang pagbabalik-soap ni Kathryn Bernardo na Pangako Sa ‘Yo sa ABS-CBN, na tiyak naming papalo ng bongga ngayong 2015!
ASAP, practice ground ni Charice
NAGSILBING practice-ground ni Charice ang ASAP noong Linggo dahil ilang beses din siyang napakinggang kumanta. May number pa sila ni Arnel Pineda, isa sa mga kababayan nating sumikat din internationally, pero mukhang sa naturang show na lang din napapanood.
Galing na galing kami sa kalibre ng boses ni Charice at nakapanghihinayang talaga kung dito lang siya sa atin sisiksik at mananatili lalo pa’t may name na rin siya abroad.
Well, sabihin na nating nakapanghihinayang man, pero marami rin ang naniwala na malaking tulong sa karir ng mga ito ang naturang exposure sa ASAP.
Sey nga ng mga nagtataray, “at least sa naturang show ay mas may opportunity sila to be watched globally. Kahit paano, may konek pa rin.”
