HATAW! D'yaryo ng Bayan hatawtabloid.com
CAGAYAN DE ORO CITY- Patay ang apat katao habang 17 ang sugatan sa banggaan ng Talakag liner at prime mover truck na may kargang container van sa Sitio Balaon, Brgy. San Isidro, Talakag, Bukidnon kamakalawa.
Inihayag ni PO3 Charlie Ganzan ng Talakag Police Station, tatlong pasahero ang dead on the spot na kinilalang sina Irish Mae Napay, 13; Ethel Talaro at Blezel Cornita.
Samantala, isa pang pasahero ang namatay habang ginagamot sa lungsod.
Nagmula sa Cagayan de Oro City ang pampasaherong jeep sakay ang 27 pasahero nang maganap ang insidente.
Mabilis ang takbo ng Talakag liner nang mabangga nito ang prime mover truck.
Ang mga sugatang pasahero ay naka-confine ngayon sa J.R. Borja City Hospital at Nothern Mindanao Medical Center. Isa sa kanila ang nasa kritikal na kalagayan na kinilalang si Arnold Paano, driver ng jeep.
Kasong reckless imprudence resulting in homicide at multiple frustrated homicide ang kahaharapin ng truck driver na si Angelito Panangin na sumuko sa Lumbia Police Station sa lungsod .
