HATAW! D'yaryo ng Bayan hatawtabloid.com
HAPPY kami sa takbo ng career ni Meg Imperial dahil hindi naging maramot ang 2014 sa kanya.
Mas lalong darami ang nagpapantasya at mag-iinit sa tinaguriang desirable star dahil siya ang bagong White Castle Girl para sa 2015. Kalinya na niya ang mga nagseseksihan sa kanilang henerasyon gaya nina Lorna Tolentino, Carmi Martin, Glydel Mercado, Cristina Gonzales, Roxanne Guinoo, RR Enriquez, Angela Velez atbp..
“Nagpapasalamat ako, kasi, siyempre ang dami ng dumaan sa White Castle. To think, marami namang mapagpipilian tapos ikaw ‘yung napili. Sobrang nakatutuwa na ako ang gagawa ng campaign na sinimulan since 1974. I hope hindi sila ma-disappoint,” deklara ni Meg sa isang panayam.
Tuloy-tuloy na ang suwerte ng career ni Meg simula nang mapunta siya sa Kapamilya Network. Napasama siya sa seryeng Galema: Anak ni Zuma at naging bida sa Moon of Desire. Tutok naman siya ngayon sa pelikula ng Star Cinema with Sam Milby at Coleen Garcia entiled Ex with Benefits.
Mabait at masunuring anak kasi si Meg kaya pinagpapala at inuulan ng blessings.
Talbog!
ni Roldan Castro
