Operasyon ng MRT-3 naantala sa bitak na riles

NAANTALA muli ang operasyon ng Metro Trail Transit (MRT-3)  na umabot sa halos isang oras dahil sa nakitang bitak kahapon ng umaga.

Sinabi ni MRT-3 Director Renato San Jose, natuklasan ang bitak na riles dakong 8 a.m. sa pagitan ng Southbound lane ng istasyon ng Magallanes at Ayala Station kaya pansamantalang inihinto ang biyahe ng mga tren dito.

Ayon kay San Jose, dahil sa pagkakatuklas sa bitak ng riles, ang tumakbo lamang na operaston ay ang North Avenue Station hanggang Shaw Boulevard Station.

Naibalik ang biyahe ng mga tren makalipas ang isang oras dakong 9 a.m. dahil agad naayos ang natuklasang bitak na riles.

Jaja Garcia