Kris, na-insane sa shooting ng Feng Shui 2

IPINAGMAMALAKI ni Kris Aquino na sobrang ganda ang Feng Shui 2 nang makatsikahan namin siya sa opening ng Chowking Alimall noong Nobyembre 28.

“Super-duper ganda ng ‘Feng Shui’, kasi ‘di ba in 10 years, ang daming innovation, ang daming bago, bongga ‘yung camera, dalawa, two cams are red dragon (digital camera) and a more peak lenses, tapos iba na ‘yung quality ng ilaw, iba ‘yung crispness, ‘yung sharpness,” masayang kuwento ng TV host/actress.

Nabanggit ni Kris na nakaka-insane ang shooting nila ng Feng Shui dahil nabaligtad ang araw niya kasi gising siya sa buong magdamag at tulog naman sa maghapon.

Umabot sa 40 days ang shooting ng Feng Shui, ”tapos there were several days na umuwi ako, nakaalis na si Bimb for school. Ganoon talaga ‘yung work hours, grabe!

“Sila (‘Praybeyt Benjamin 2’) ang mas nakaka-insane dahil nagsu-shooting pa sila hanggang December 12 or 13 shooting nila, ‘di ba nakakaloka?” pambubuking ni Kris.

At kasama pala si Kris sa Praybeyt Benjamin 2 dahil siya talaga ang tunay na mommy ni Bimby at tatay nito si Richard Yap na nilandi raw ng una dahil may vested interest siya at saka iniwan ang mag-ama at kalaban daw niya rito si Vice Ganda.

Pero may redemption naman daw sa papel ni Kris, ”hindi pa lang nakukunan kasi abala ako sa shooting ng movie ko, ha, ha, ha.”

Ibinuking din na co-producers sina Vice at Bimby sa Praybeyt Benjamin 2 dahil ang talent fees daw ng nila ay isinosyo sa pelikula.

Bakit dalawa na si Lotus Feet anong nangyari, ”yung back story kasi (10 years ago), was she (Lotus Feet) had a twin that she abandoned, so magre-reunite sila. At sa pagre-reunite nila, mas powerful kasi ang mangyayari, kung dati paisa-isa (mamatay), ngayon, if someone dies, may twin na mamamatay din, hindi puwedeng isa-isa lang, so two at a time, ‘yun ‘yung twist nito.”

At sa tanong kung ano ang mas nakatatakot at ilang porsiyento ang katatakutan saFeng Shui 2.

“Okay, the first 35% of the movie is the journey of Lester ( Coco ), kaya napaka-timely, the trailer will start airing if not this Sunday (November 30), Monday (Dec 1) ang launch.

“Makikita ninyo sa start na ninakaw niya (Lester) ‘yung bagua (salamin) at ‘yun ang mag-a-unleash ng lahat. Sabi ko nga, napaka-timely na ‘pag nagnakaw ka, may singil (karma) ka na, and maraming innocent victims along the way. ‘Yun ang sumpa ng greed,” pagkukuwento ng TV host/actress.

Buhay ba lahat ang cast ng Feng Shui sa ending ng pelikula? ”Maraming dead,”natawang sagot ni Kris.

Sa tanong namin kung may Feng Shui 3, ”sabi ni direk Chito, ‘oh, see you in 10 years, huh?’ Sabi ko naman, ‘talaga, direk.’ Every 10 years lang daw ito (‘Feng Shui’), sa kanya ako talaga bilib kasi ‘yung passion na ibinigay niya talaga at ‘yung sipag.”

 

ni Reggee Bonoan