Dalagita nangisay sa plantsa

ILOCOS NORTE – Namatay ang isang dalagita sa Laoag City makaraan makoryente habang nagpaplantasa ng kanyang uniporme kamakalawa.

Ayon sa ilang kapitbahay, katatapos lang maligo ng 13-anyos na si Stephanie Chico nang siya ay magplantsa.

Nagkalat ang ibang gamit ng dalagita sa kusina ng kanilang bahay nang matagpuan siyang nakahandusay.

Consistent honor student si Stephanie na Grade 7 sa Ilocos Norte College of Arts and Trades sa Laoag.

Pangalawa siya sa tatlong magkakapatid ng mag-asawang sundalo at pulis.