Totoy todas sa baril ng senglot na ama

PATAY ang isang 10-anyos batang lalaki nang tamaan ng bala ng baril na pinaglaruan ng lasing niyang ama sa loob ng kanilang bahay sa Caloocan City kamakalawa ng gabi.

Nalagutan ng hininga habang ginagamot sa Caloocan City Medical Center sanhi ng tama ng bala ng hindi nabatid na kalibre ng baril sa dibdib ang biktimang si Jefferson Gutirrez, ng Phase 3, Hipon Alley, Brgy. 12, Dagat-dagatan ng nasabing lungsod.

Habang kusang loob na sumuko ang suspek na si Glenn Gutierrez, 44, ng nasabi ring lugar.

Sa ulat ng pulisya, dakong 10:45 p.m. nang maganap ang insidente sa loob ng bahay ng mag-ama.

Napag-alaman, habang lasing ay pinaglaruan ng suspek ang kanyang baril sa kanilang bahay nang bigla itong pumutok.

Minalas na nahagip ng bala ang biktimang natutulog sa kanilang sala kasama ang nakatatandang kapatid na babae.

Isinugod ang biktima sa pagamutan ngunit ngunit nalagutan ng hininga habang nilalapatan ng lunas.

Rommel Sales