HATAW! D'yaryo ng Bayan hatawtabloid.com
ni Ambet Nabus
HALOS magkasunod lang na nabalita (though hindi masyadong lumaki) ang eskandalong kinasangkutan ng mga reality show winner na sina Pinoy Fear Factor Jommy Teotico atBiggest Loser Larry Martin.
Si Jommy ay nahuli sa bahay nito sa Laguna sa isyu ng paggamit ng marijuana na ayon pa sa minsan ding naging TV/movie actor ay ginagamit niyang gamot para sa kanyang karamdaman. Mayroon pala itong ADHD o attention deficit hyperactivity disorder at ipinayo nga raw ng kanyang Psychiatrist ang paggamit ng marijuana.
Dahil din sa balitang ‘yun, nalaman tuloy ng marami na ka-live-in pala niya ang isa pa ring reality search contestant noon na si Jamilla Obispo (PBB teen edition) na buntis pa pala.
Then, nahuli naman sa Cam. Sur ang kauna-unahang Biggest Loser winner na si Larry dahil sa salang accessory to a murder crime noon pang 2012. Nakakulong ngayon ang dating pulis sa Bicol na nasangkot nga sa kasong murder dahil sa pagsama nito sa pinsang lalaki na siyang nanuntok sa umano’y isang court sheriff na nambastos daw ng gf ng pinsan ni Larry. Ang naturang panununtok ang naging dahilan para ma-comatose ang biktima hanggang sa mamatay kaya’t kinasuhan ng mga naiwan nito ang magpinsan.
Nakakaloka ang mga eskandalo ‘di ba mareh lalo pa’t kung ating babalikan ang naging exposure nila noon sa mga nabanggit na reality shows bilang nakai-inspire sa buhay! Hay!!!
