HATAW! D'yaryo ng Bayan hatawtabloid.com
NAGULAT kami nang makita namin ang post ng GMAnetwork kagabi (Miyerkoles) pagkatapos ng storycon, ”@empressita is very much looking forwad to her role in #KailanBaTamaAng Mali , what do you think would it be?
May pictorial ding naganap ang ibang cast ng nasabing serye na base ulit sa IG post ng GMAnetwork, ”meet some of the stars of the newest show to watch out for #KailanBaTamaAng Mali , soon on GMA.
Balik-GMA 7 na pala ang Empress Schuck at makakasama niya sina Chariz Solomon, Dion Ignacio, Max Collins, at Geoff Eigenmann.
Pinag-uusapan palang namin si Empress at ng taga-ABS-CBN noong Miyerkoles ng gabi kasi tinanong namin kung bakit walang serye ang dalaga at sabi kaagad, ”wala kasi siyang appeal, hindi nagma-marka.”
Naawa naman kaming bigla sa alaga ni Tita Becky Aguila dahil maski pala magaling umarte at maganda naman ay hindi pa rin pala sapat iyon. Hindi lang namin naitanong sa kausap namin kung paano niya nasabing walang appeal.
Anyway, ikinuwento rin sa amin na may offers naman daw ang management kay Empress, pero tumatanggi raw ang aktres dahil pakiramdam niya ay hindi niya kayang gampanan ang role.
Napanood si Empress sa teleseryeng Huwag Ka Lang Mawawala noong 2013 kasama sina Judy Ann Santos, KC Concepcion, Joseph Marco, at Sam Milby at hindi na nasundan pa.
Pawang guestings lang sa MMK, Banana Nite, at Banana Split lang napapanood si Empress.
Goodluck Empress!
ni Reggee Bonoan
