HATAW! D'yaryo ng Bayan hatawtabloid.com
LA UNION – Dumulog sa himpilan ng pulisya ang isang ginang upang ireklamo ang lasing nilang kapit-bahay na nanakit sa kanyang mister at nanloob sa kanilang bahay dahil sa ingay ng kanilang mga alagang baboy sa Brgy. Imelda, sa bayan ng Naguilian, La Union.
Kinilala ang inirereklamong lasing na kapitbahay na si Erwin Caccam.
Sa ulat ng Naguilian Municipal Police Station, abala ang mag-asawang Rodelyn at Ireneo sa pag-asikaso sa kanilang mga alagang baboy ay nilapitan sila ng lasing na si Erwin na nagagalit dahil sa naririnig na ingay ng mga hayop. Pagkaraan ay biglang sinakal ng suspek si Ireneo.
Hindi pa nakontento ay sinundan uli ni Erwin ang mag-asawa sa loob ng kanilang bahay at tinangkang muling saktan si Ireneo.
Samantala, pinayuhan ng pulisya ang misis na idulog rin ang naturang kaso sa barangay justice system sa kanilang lugar.
