HATAW! D'yaryo ng Bayan hatawtabloid.com
Sa mga pinagdaanang pagsubok lately ni Ser Chief (Richard Yap) sa Be Careful with My Heart ay natuto na rin maging responsable ang mga anak na sina Nikki (Janella Salvador), Abby (Mutya Orquia) at Luke (Jerome Ponce) na natutong kumuha ng part time job na nanibago dahil first time nila na mag-work. Sa paglipat ng pamilya Lim sa bagong bahay ay may ilang pagbabago rin na kailangan mag-adjust dahil nawalan nga ng magandang trabaho si Ser Chief na dating Presidente ng pinagsososyohang kompanya na Lim Aviation Services. Siyempre number one d’yan ang misis ni Ser Chief na si Maya (Jodi Sta. Maria) na sanay sa hirap. Pero kahit na medyo bumagsak ang kabuhayan ay nanatiling intact at masaya ang pamilya Lim kasama ng kanilang kambal na sina Baby Sky at Baby Sunshine at mga kasambahay sa mahabang panahon na sina Doris (Rosario “Tart” Carlos) at Isabel (Viveika Ravanes).
Samantala marami ang naiyak sa paalaman scene nina Kute (Aiza Seguerra) at gumaganap na ama sa serye na si Arturo (Lito Pimentel). Wala pa rin kupas ang galing sa pag-arte ng dalawa sa eksena lalo na nang maalala ni Kute ang ginawang bangkang papel sa kanya ng ama noong bata pa.
Simula ngayong Lunes ay huwag nang bibitiw sa huling tatlong linggo ng Be Careful With My Heart at sabay-sabay tayong lahat na maki-Global Kapit-Bisig day kina Maya at Ser Chief sa November 28 para sa last episode ng nasabing morning kilig serye na #1 sa daytime program ng Kapamilya network.
Ops! Nakakuha rin ng nominasyon ang programa sa 28th Star Awards for TV. Kabilang sila sa finalists para sa “Best Daytime Drama Series.”
To Ms. Ginny Ocampo, Business Unit Head of Be Careful and to the directors Jeffrey Jeturian and Mervyn Brondial mabuhay kayo for job well done gyud!
ni Peter Ledesma
