Kelot utas sa pedicab driver

PATAY ang isang lalaki makaraan saksakin ng pedicab driver na kanyang kinutusan kamakalawa sa Malabon City.

Hindi na umabot nang buhay sa Pagamutang Bayan ng Malabon (PBM) ang biktimang si Joel Ultra, 39, ng #45 Bonifacio St., Brgy. Baritan ng nasabing lungsod, sanhi ng saksak sa leeg at kaliwang bahagi ng katawan.

Habang tinutugis ng pulisya ang suspek na si Mark Hidalgo, alyas Macdo, 25, pedicab driver, ng Phase 2, Kapalaran St., Brgy. San Roque, Navotas City.

Base sa imbestigasyon nina PO3 Rommel Habig at PO1 Junny Delgado, dakong 5:30 p.m. nang maganap ang insidente sa tapat ng bahay ng biktima sa nasabing lugar.

Napag-alaman, nadaanan ng biktima ang suspek habang kumakain sa Tawiran 4 (boat terminal).

Biglang kinutusan ng biktima ang suspek bilang ganti sa pagkuha ng salarin sa sun glasses ni Hidalgo.

Bunsod nito, nagalit ang suspek, kumuha ng patalim at inundayan ng saksak ang biktima.

Rommel Sales