Marvin, balik Kapamilya Network, itatambal pa kay Jolens
ni Ed de Leon
MATAGAL na naming naririnig na babalik si Marvin Agustin sa ABS-CBN at may gagawin nga siyang serye na sinasabing siyang kapalit niyong Be Careful with My Heart at ang makakasama raw niya ay ang dating ka-love team na si Jolina Magdangal. Kaya nga hindi kami nagulat noong sabihin niya ang tungkol doon noong press conference ng Moron 5.2.
Tama ang comment ng isa naming kasamahan tungkol kay Marvin eh, ”napakagaling ng diskarte sa kanyang career”. Isipin nga naman ninyo, naikot na niya ang lahat ng major TV networks at ngayon sa kanyang pagbabalik sa ABS-CBN, “full circle” na siya.
