Pakikipaghiwalay ni Kylie kay Aljur, nakabuti
ni Ed de Leon
INAAMIN ni Kylie Padilla na masama ang kanyang loob sa rati niyang boyfriend na siAljur Abrenica dahil sa nangyaring paghihiwalay nila, na wala naman siyang kasalanan, at ni hindi siya nagawang ipagtanggol ng dati niyang boyfriend. Nang may mangyari kasing controversy ay wala naman siya rito at nasa abroad siya.
Pero kung iisipin, dahil sa mga sumunod na pangyayari, mukhang nakabuti pa nga sa kanya ang pakikipag-split kay Aljur. Isipin ninyo kung ano ang mangyayari kay Kylie kung sakaling mag-syota pa rin sila ni Aljur ngayon, at sa nangyayari sa kanila at sa kanilang network?
Si Aljur ay wala nang nakukuhang assignments ngayon at puro personal appearances na maliliit na lang ang ginagawa. Kung on pa silang dalawa, malamang sa hindi na kampihan niya iyon at kung ganoon nga, ano naman ang mangyayari sa kanyang career?
