HATAW! D'yaryo ng Bayan hatawtabloid.com
MALAKI ang posibilidad na lilipat sa ibang petsa ang pagbubukas ng Season 78 ng men’s basketball ng University Athletic Association of the Philippines.
Sa lingguhang forum ng Philippine Sportswriters Association (PSA) kahapon sa Shakey’s Restaurant sa Malate, sinabi ng secretary-treasurer ng UAAP na si Rodrigo Roque ng punong abalang University of the East na may plano ang liga na ilipat sa Agosto 2015 ang pagbubukas ng men’s basketball dahil halos lahat ng mga pamantasang kasali sa UAAP ay nagbago ang kani-kanilang mga kalendaryo.
Ang NU ay naging kampeon sa men’s basketball ng UAAP noong Oktubre.
Bukod sa paglipat ng men’s basketball, pag-uusapan din ng UAAP board ang planong pagpalit ng ilang mga eligibility rules ng liga tulad ng pagbawas ng residency rule ng mga atleta mula dalawa hanggang isang taon na lang at ang anim na playing years imbes na lima.
(James Ty III)
