AUV vs trike 8 sugatan

NAGSALPUKAN ang isang AUV at tricycle na nagresulta sa pagkasugat ng walong pasahero sa Brgy. Tabao Rizal, San Enrique, Negros Occidental kamakalawa.

Dinala sa Valladolid District Hospital ang pitong nasugatang estudyante at ang driver ng tricycle na si Alfredo Valenia, Jr.

Patungong San Enrique ang sinasakyang tricycle ng mga biktima nang maganap ang insidente, habang biyaheng Bacolod City ang naka-aksidenteng itim na Isuzu Sportivo.

Sa ulat ng pulisya, tinangka ng AUV na mag-overtake sa sinusundang Mitsubishi Montero Sport ngunit nabigo at naunahan ng Montero dahilan upang mabangga ang tricycle.

Beth Julian