HATAW! D'yaryo ng Bayan hatawtabloid.com
PINAKA-LOVE pa rin ng TV viewers sa time slot nito ang “newest primetime sensation” ng ABS-CBN na Pure Love kompara sa mga katapat nitong programa, base sa datos mula sa Kantar Media.
Humataw ng national TV rating na 22.8% ang hit teleserye nina Alex Gonzaga, Yen Santos, Joseph Marco, at Arjo Atayde o 10 puntos na kalamangan kompara sa bago nitong katapat na programa sa GMA na Seasons of Love Presents (12.6%) na umere na noong Lunes (Oktubre 6).
Panalo rin ang Pure Love noong Biyernes (Oktubre 3) kung kailan pumalo ito ng national TV rating na 22.6% o siyam na puntos na lamang kontra sa finale episode ng MY BFF na nakakuha lamang ng 13.3%.
Samantala, tiyak na mas iibigin pa ng mga manonood ang mga susunod na tagpo sa Pure Love lalo na ngayong nakakausap na ni Diane (Alex) ang sinasaniban niyang katawan na si Ysabel (Yen).
Sa tulong ni Ysabel, mas mapadadali na ba ang misyon ni Diane na makakuha ng tatlong patak ng luha mula sa tatlong taong tunay na nagmamahal sa kanya? Kanino manggagaling ang ikalawang “pure love tear” ni Diane?
Halaw sa hit 2011 Korean TV series, ang local adaptation ng Pure Love ay sumesentro gabi-gabi sa kahalagahan ng tunay na pagmamahal at ang katatagan ng relasyon ng pamilyang Filipino.
Patuloy na tutukan ang primetime TV’s newest sensation, Pure Love, gabi-gabi, 5:50 p.m., bago mag-TV Patrol sa ABS-CBN Primetime Bida. Para sa karagdagang impormasyon, mag-log on sa ABS-CBN.com, sundan ang @PureLovePH sa Twitter, at i-like ang official Facebook page ng show sa Facebook.com/purelovetheofficial.
ni Reggee Bonoan
