HATAW! D'yaryo ng Bayan hatawtabloid.com
ni Pilar Mateo
IN the running!
Bigger and bolder at more amazing than ever na nga ang takbong ginagawa ng mga participant sa The Amazing Race Philippines sa pagsisimula nito noong Lunes (October 6, 2014) sa TV5, na ang host uli eh, ang sexy hunk na si Derek Ramsay.
At sa bawat pit stop siya nakikita ng nag-uunahang 11 pairs na may bonus ang mauuna ng P200K.
Nagkaroon ng masasabing once-in-a-lifetime adventure ang 11 pares na mapasama sa pinaka-matagumpay at most awarded reality show sa buong mundo. Sa tulong ng Active TV Asia, sa pangunguna ng Executive Director na si Michael McKay, mas pinalaki at pinatindi ang Season 2.
Subaybayan ang official racers na kinabibilangan ng sexy besties na sina RR Enriquez at Jeck Maierhofer; blondies sisters na sina Tina at Avy Wells; chefs Eji Estillore at Roch Hernandez; dating couple Matt Edwards and Phoebe Walker; Team Juan D na sina Charlie Sutcliffe at Daniel Marsh; father and son na sina AJ at Jody Saliba; nerds Vince Yu at Ed Maguan; travel buddies Zarah Evangelista at Osang dela Rosa; Mr. Pogis JP Duray and Kevin Engles; siblings Jet and Yna Cruz; at Pinay world champs Gretchen Albaniel at Luz McClinton.
Umariba na sa unahan nila ang mga racer. Kung sino ang naiiwan, siya ang may tsansa sa humigit-kumulang na P10-M halaga ng mga pa-premyong makakamtam—2 house and lot mula sa RCD Royale Homes, 2 KIA Sportage SUVs at P2-M hatid ng PLDT Home Telpad!
Samahan si Derek sa journey ng racers in their run. Habang nakikipag-buno sa isang banda ng kanyang personal na buhay si Derek sa hindi pa rin natatapos na pakikipaggirian ng kanyang dating karelasyon at ina ng kanilang anak na masidhi ang hangarin na maparusahan si Derek sa mga isinasampa nitong kaso laban sa aktor sa ngayon.
Nadamay na at nakaladkad ang dating karelasyon din ni Derek na si Angelica Panganiban na hindi pa nagbibigay ng kanyang pahayag sa nasabing sitwasyon.
Pero may nakapaghatid sa amin ng balitang sa tagal ng hindi pag-uusap nina Derek at Angelica at patuloy na ngang pag-iiwasan, umano, sinikap ni Derek ang makipag-communicate sa aktres.
At ang dating hindi sinasagot na mga tawag o text eh, nagkapuwang para sila magkausap dahil sa nasabing kaso.
Ayon sa nakarating sa amin, gusto lang ni Derek na ma-assure si Angelica na sa puntong ito, kahit pa nagsara na ang pintuan para sa kanilang dating relasyon, hindi niya pababayaan ang aktres at susuportahan pa rin sa kumbaga’y kailangan nitong maging laban sa hamon ng buhay sa kanila.
Maayos at tahimik ang buhay ni Angelica with her current love life. Ganoon din naman si Derek na ang career nga muna ang gustong bigyang-pansin.
Pero ang biro nga ng tadhana—rito pa sila sabay na haharap sa panibagong hamon ng buhay sa kanila. Sa pagkakataong magkahiwalay na sila at wala ng pakialaman, at saka sila muling pagbubuklurin!
