Enrique, taga-binyag ng mga baguhan

ni Roldan Castro

TAGA-BINYAG si Enrique Gil ng mga bagong ilo-launch sa mga serye. Pagkatapos siyang ipartner kinaJulia Barretto, Julia Montes, Kathryn Bernardo, ngayon naman ay magsasama sila ni Liza Soberano sa bagong primetime serye na Forevermore?

Okey lang daw kay Quen (tawag kay Enrique) na wala siyang permanent love team dahil mas marami siyang natutuhan.

Ang nakawiwindang lang ay kung minsan ay hindi naiintindihan na pinapartner siya sa iba.

Aminado ang dalawa na crush nila ang isa’t isa. Pero bawal si Liza na ligawan dahil 16 years old pa lang ito.

Pero ngayon lang namin naobserbahan si Enrique na nagsasalita ng may kilig factor sa isang babae.

Halatang may tama ang guwapong young actor kay Liza. Actually, siya nga ang humirit kay Ma’am Malou Santos na magsama ulit sila sa isang project after na makitaan sila ng chemistry sa She’s The One.

Hindi naman naghahanap si Quen ng girlfriend pero agree siya sa posibilidad na ma-develop ni Liza.

Makakasama nina Enrique at Liza sina Sophia Andres, Yves Flores, Kit Thompson, Zoren Legaspi, Lilet, Marissa Delgado, Joey Marquez, at Almira Muhlach. Katuwang ni Direk Cathy Garcia- Molina sa direksiyon ng Forevermore si Ted Boborol.