HATAW! D'yaryo ng Bayan hatawtabloid.com
NAWAWALA ang isang mangingisda, habang nailigtas ang kanyang anak makaraan masagi ng isang Roll-on Roll-off (RORO) vessel ang kanilang bangka sa Dumangas, Iloilo kahapon ng madaling-araw.
Ayon sa Philippine Coast Guard (PCG), 4 a.m. kahapon, paalis sa pantalan ang RORO vessel patungong Bacolod nang masagi nito ang bangkang sinasakyan ni David Grillo, 45, at ng anak na si Aljon Grillo na noo’y nangingisda.
Nailigtas ng nagrespondeng mga mangingisda at mga rescuer ang batang Grillo habang patuloy ang paghahanap sa kanyang ama.
Iniimbestigahan na ng PCG kung sino ang may pananagutan sa insidente.
