Jake, rumampa pa rin kahit mukhang matrona ang katawan

ni ROLDAN CASTRO

BAGAMAT super daring si Jake Cuenca sa The Naked Truth fashion show sa SM MOA Arena, nakatatanggap din siya ng panlalait sa social media.

Hulog daw ang katawan ni Jake. Hindi niya pinaghandaan dahil parang ‘matrona’ ang katawan. Wala sa tamang porma at malaki ang tiyan.

Sana raw ay hindi na lang pinarampa ng kanyang manager dahil binabatikos lang. Kumbaga, huling rampa nga niya sa nasabing fashion show pero nandidiri naman ang ilan sa porma ng katawan.

Pero ‘yung mga nagmamahal at nagpapantasya kay Jake ay tanggap kung anuman ang hitsura ng katawan niya. Happy sila na nakipag-participate pa rin si Jake kahit sa huling pagkakataon.

Aminado naman si Jake na hindi siya physically fit pero hindi siya apektado sa mga basher niya.

Mababasa sa kanyang Twitter Account ang sinasabi niyang, ”last but not the least” ang pagsali niya sa The Naked Truth.

Isa pang post niya sa Twitter: ”Might not be at my fittest but I’ll damned if I don’t put on a show!”

Sa kanyang Instagram Account ay mababasa rin ang kanyang statement na: ” I will definitely miss doing the B___ fashion show! I can honestly say the reaction of the people was just simply amazing! It was a moment I’ll never forget in my life! To everyone who cheered thank you so much for making my final walk even more special! Much love to all!”

Talbog!