Darren ng The Voice, guest sa All Requests

Ang isa sa final 4 ng The Voice Kids na si Darren Espanto ang isa sa guest ni Jed na inamin niyang natutuwa rin siya sa bagets kasi inihahambing sa kanya na susunod daw sa yapak niya.

“Sobrang flattered, kasi magaling naman talaga ‘yung bata eversince na I heard him sing sa ‘The Voice’, gusto ko siya talaga, I’m a big supporter of him. Nakatatawa nga kasi trending ‘yung ‘Jed Madela loves Darren’.

“Sabi ko, nakatataba ng puso kasi sometimes the fans, they won’t allowed the artist to be tag to anybody, gusto nila ‘yung artist na idol lang nila.

“This kid naman din naman deserves it kasi aside from the talent, ang bait ng batang ito, he’s very respectful, I meet the family, magalang,” masayang kuwento ng singer.

Dagdag kuwento pa, “noong nalaman ko he (Espanto) didn’t win, laking reaction ko roon. I had to post something on Instagram, Twitter, Facebook, which raked in a lot of criticisms din and bashing.”

“Sabi ko, ‘You know what, this is a personal opinion.’ Magaling silang apat. Everybody had their time to shine and everybody who watched them had their own choices. Ako, ang naging choice ko, si Darren.

“It started from there. Talagang pinanindigan ko ‘yung choice ko and I will not apologize for that post. Bilib ako sa bata, eh.”

 ni Reggee Bonoan