HATAW! D'yaryo ng Bayan hatawtabloid.com
ni Peter Ledesma
PINIK-AP nang halos lahat ng tabloids at umingay rin sa social media ang latest post ni Sharon Cuneta sa kanyang Facebook Account na may kaugnayan sa kanyang pagiging heavy.
Humingi pa siya ng paumanhin sa kanyang fans partikular na sa kanyang minamahal na Sharonians sa pagpapabaya niya sa kanyang katawan. Pero sa ngayon ay ginagawan naman niya ito ng paraan lalo pa’t miss na rin niya ang mga dating ginagawa sa showbiz tulad ng pag-arte, pagkanta at pagho-host.
At least kabilib-bilib ang pagiging honest at totoo sa sarili ng nanay-nanayan namin sa showbiz. Talagang inamin niya na dumaranas siya ngayon ng tinatawag na mid-life crisis. At dahil marami ang nagmamahal sa kanya mapa-showbiz man o non-showbiz, siguradong malalampasan niya ang lahat. May plano na rin ang megastar na pagkatapos mag-expire ang kontrata niya sa TV 5 na one year and a half na lang ay babalik na siya sa dating network na ABS-CBN.
By the way nakita namin ang bagong post ni ‘Nay Shawie sa kanyang FB, kasama niya sa picture ang kanyang loving husband na si Francis “Kiko” Pangilinan na naglilingkod ngayon bilang Presidential Assistant for Food and Security and Agriculture Modernization.
May kinalaman sa kanilang 18 years na pagsasama ang post ni mega. Sobrang ine-enjoy nga pala ni Kiko ang sariling farm nila ni Shawie na Sweet Spring Country Farm na may pataniman ng mga organic vegetable and fruits. Nag-post rin ang megastar na nagbebenta ng mga organic foods ang mag-amang Kiko, Miel at Frankie. Matatagpuan sa Alfonso, Cavite ang nasabing farm ng mag-asawa.
