5 bus nasunog sa Pasay, welder nalapnos

KRITKAL ang isang welder nang tangkaing iligtas ang kanilang gamit sa nasusunog na limang unit ng United Land Transport and Bus Company (ULTRA BUS) sa Pasay City kahapon ng madaling-araw.

Inoobserbahan sa Pasay City General Hospital ang biktimang si Noel Reyes, 26, stay-in sa Ultra Bus, sa Don Carlos St., Barangay 190, ng nasabing siyudad sanhi ng 2nd degree burns sa katawan.

Sa report ng Pasay City Bureau Fire Protection (BFP), dakong 2:00 a.m. nang magliyab ang garahe ng kompanya.

Pahayag ng nagrorondang barangay tanod, nakita nilang may usok sa garahe ng Ultra Bus hanggang sa may sumabog at kumalat ang apoy.

Tumagal ng dalawang oras ang sunog at walang iniulat na namatay bukod kay Reyes na nasunog ang bahagi ng katawan.

Nagsasagawa ng mapping operation ang mga tauhan ng BFP upang tiyaking ligtas ang lugar. (JAJA GARCIA)