HATAW! D'yaryo ng Bayan hatawtabloid.com
SAYANG yata ang management courses na pinag-aralan ni Presidential Communications Secretary Herminio “Sonny” kolokoy este Coloma, Jr., sa sikat na Asian Institute of Management (AIM).
Simpleng pagrespeto o pagkilala sa mga regular na empleyado at opisyal ng government network PTV 4 ‘e sumablay pa siya.
Ibinuking kasi ng People’s Television Employees Association (PTEA) ang tungkol sa kinuhang dagdag na sulsoltants ‘este’ consultants ng Malacañang sa PTV-4 sa kasagasagan ng impeachment trial laban kay dating SC Chief Justice Renato Corona.
Ikinatwiran ni Kolokoy ‘este’ Coloma na … “PTV has contracted the services of professionals in technical areas essential to network operations and this is being done in compliance with government rules and regulations.”
Ayon kay PTEA Vice President Angie Arguelles, lumaki ang bilang ng contract of service (COS) personnel sa ilalim ng administrasyon ni Undersecretary George Syliangco sa kasagsagan ng Corona impeachment trial kahit walang kita ang government TV station.
“Lumobo ang COS sa kanilang term kahit wala pang kita ang PTV. Nag-hire o nag-accommodate sila from PCOO (Presidential Communications Operations Office) personnel noong panahon (coverage) ng impeachment kay Corona,” dagdag ni Arguelles.
O tingnan ninyo, nalulugi na nga ang PTV 4 mantakin ninyong tambakan pa ng contractual?!
Tapos ang kinuha pang hepe ng isang yunit, kontraktwal?!
What the fact!?
Hindi ba’t ang daming binawas na benepisyo sa mga taga-PTV 4?! Tinipid sila pero kumuha ng mga kontraktwal na mas malamang ‘e malaki pa ang sweldo sa kanila.
Ininsulto pa ni Colokoy este Coloma ‘yung mga kawani ng PTV 4 sa isang panayam sa radio nang sabihin na kaya nagpapatuloy ang hiring ay dahil wala sa hanay ng mga regular na empleyado ang pwedeng mapagkatiwalaan at maaasahang gampanan ang mga tungkulin sa mga kinakailangang operasyon.
Pakengsyet!!!
Alam ba ninyong 279 regular employees at 278 COS employees at talents mayroon ang PTV?!
Lahat ba ‘yan e walang kakayahan?!
Dahil sa labis na pagbabalewala sa kanila ng administrasyon, tuwing tanghali sa nakalipas na tatlong linggo ay nagsasagawa ng kilos-protesta ang PTEA bilang pagtuligsa sa pag-ipit sa mga benepisyo ng mga retirado at mga insentibo na nakapaloob sa Collective Negotiations Agreement at kawalan ng umento sa sweldo sa nakalipas na walong taon.
Kung hindi aayusin ni Coloma ang gusot na ‘yan mas mabuti pa sigurong bigyan nila ng magandang retirement package para naman matamasa ng mga empleyado ang pinaghirapan nila sa mahabang panahon.
Pinakinabangan ng iba’t ibang administrasyon pero pagdating sa huli parang basura ang kanilang turing?!
Hay Sec. Coloma … kakampi ka ba talaga ni PNoy?!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
