Wednesday , September 28 2022

Fontana Leisure & Resort, kasabwat sa raket sa BI Angeles Field Office?! (Attn: SoJ Leila de Lima)

00 Bulabugin JSY
AYON sa isang Bureau of Immigration (BI) lawyer, maliwanag na inabuso ni BI Angeles Alien Control Officer (ACO) JANICE CORRES ang exemption sa Office Order No. SBM-2014-12 re: “Temporary Visitor’s Visa Extension of Chinese Nationals” na ibinigay sa Fontana and Leisure Resort para i-extend ang stay ng mga kliyente nila sa Casino.

May info kasi ngayon na hindi lang daw mga kliyente ng Fontana ang kanilang ini-extend ang visa, kundi pati na rin ang ibang nationalities na hindi naman naging customer ng nasabing casino!?

Aba’y kung totoo ito, malaking raket pala ang nangyayari diyan sa BI field office.

BI Comm. Fred Mison, dapat imbestigahan agad ang matinding raket na namamayagpag sa BI Angeles field office kasabwat umano ang asawa ni Janice na si ALBERT CORRES, na numero unong sipsep ‘este bata ni Jackol ‘este’ Jack Lam na siya ngayong CEO ng Jimei Group of Companies.

Ang Jimei Group ang nagma-manage ng Casino business ng Fontana Resort at iba pang casinos diyan sa Central Luzon.

Hindi nakapagtataka na halos lahat ng mga gustong magpa-extend ng kanilang visa ay nagpupuntang lahat sa Fontana para d’yan i-process ang kanilang extension kahit alam na alam nilang bawal ito.

Pati nga raw ‘yung mga mukhang busabos na foreigner na wala naman kakayahan magpatalo nang milyon-milyon sa casino ay doon na rin nagpapagawa ng kanilang extension dahil nga sa exemption na ipinagkaloob sa Fontana and Leisure Resorts.

Bigla raw umangat ngayon ang collection ng BI Field office ni ACO Janice Corres at siyempre kasabay nito ang biglang pasok ng limpak-limpak na kita para sa kanilang Visa-Extension-Made-Simple, (parang VIMS di ba!?) at mayroon pang instant Exit Clearance Certificate (ECC) sa mga overstaying aliens!?

Isang pagpapatunay ng anomalya sa BI Angeles, nang isang Chinese national na si Chen Yan Yun ay na-intercept sa NAIA T-1 noong isang linggo.

Si Chen Yan Yun na dapat ay nag-expire na ang visa last May 11, 2014, ay nagawa pa rin i-extend ni ACO Janice Corres, hanggang August 18, 2014 sa kabila ng Office Order NO. SBM-2012-14 ni Comm. Fred Mison.

Kahit kailan daw ay HINDI naging customer/player ng Fontana casino si Chen Yan Yun pero roon siya nagpa-extend ng visa kina ACO Janice Corres dahil sa exemption ng Fontana sa Office Order na ito.

Gaano karaming kaso ng katulad ni Chen Yan Jun ang na-magic ‘este’ na-process diyan sa BI Angeles field office.

Maliwanag na may hokus-pokus at abuso na nangyayari sa opisina ni ACO Janice Corrupt ‘este’ Corres gamit ang Office Order ni Comm. Fred Mison at SOJ Leila De Lima.

Hindi pa ba nyo sisibakin ‘yan Mr. Commissioner Mison!?

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply