HATAW! D'yaryo ng Bayan hatawtabloid.com
PAANO pipili ng best main entry rug colors, shapes at overall design?
Ang main entry ay napakahalaga sa feng shui dahil sa pamamagitan nito pumapasok sa bahay ang Chi, o ang universal energy, para sa sustansya nito. Kung gaano kaganda ang kalidad ng Chi na papasok sa bahay, ganoon din kaganda ang kalidad ng enerhiya na susuporta sa iyo at sa iyong pamilya.
Mula sa pagpili ng best feng shui colors para sa inyong front door patungo sa tamang posisyon ng fountain; mula sa pagtugon sa feng shui ng staircase na nakaharap sa main door hanggang sa pagpili ng best shape and design sa main entry rug – ang bawat detalye ay mahalaga sa feng shui.
Suriin natin ang main fengs hui design aspects.
*Shape. Sa alin mang feng shui home o office application, palaging gabayan ang sarili ng inyong pakiramdam, gayundin ng basic interior design principle. Anong hugis ba ang nababagay sa inyong bahay?
Una munang ikonsidera kung anong hugis ang mainam pagmasdan sa inyong lugar. Pangalawa, alamin ang feng shui direction ng front door at saka pumili ng hugis na nababagay para sa feng shui element ng direksyon na ito.
*Colors. Pumili ng best colors para sa inyong main entry rug na naaayon sa enerhiya ng feng shui elements. Halimbawa, sa East facing main door, maaaring pumili sa tatlong feng shui elements: Earth, Wood at water elements.Ang mga kulay na dapat iwasan ay Metal at Fire element colors. Ideyal na huwag pipili ng white, gray o red rug malapit sa East facing main door.
*Design. Mahalagang ikonsidera sa pagpili ng ano mang floor rug, na ito ay araw-araw ninyong tatapakan. Tandaan na huwag gagawa ng feng shui mistake na madalas mangyari sa small businessess: na inilalagay ang business name sa floor mat at magtataka kung bakit low quality energy ang nahihikayat ng negosyo. Paano makahihikayat ng good quality energy kung ang lahat ay literal na tumatapak sa inyong business name araw-araw.
Kaya pumili ng disenyo na tugmang tapakan. Huwag oorder ng disenyo na may mga anghel at mga ibon dahil ang pagtapak sa mga anghel at mga ibon ay hindi magandang ideya.
Lady Choi
