HATAW! D'yaryo ng Bayan hatawtabloid.com
KALABOSO ang isang tattoo artist at dalawang kasama sa isang buybust operation na isinagawa ng mga tauhan ng Philippine Drug Enforcement Agency (PDEA-6) Provincial Anti-Illegal Drugs Special
Operations Task Group (PAIDSOTG) at Boracay Tourist Assistance Center (BTAC) sa Brgy. Balabag, Boracay.
Sina Vincent Aldrick Checa, 30, ng Molo, Iloilo; Arvie Abaya, 20, ng Carles, Iloilo at Agustin Jubilag, 21, isang tattoo artist sa Boracay at residente ng Dingle, Iloilo, ay inaresto matapos mahulihan ng ilegal na droga.
Ayon sa PDEA, ang mga suspek ay magkakasabwat sa pagbebenta ng shabu sa isla ng Boracay.
Nahaharap na ngayon ang tatlo sa kasong paglabag sa RA 9165 o Comprehensive Dangerous Drugs Act of 2002.
(BETH JULIAN)
