Usapang kagandahan at kalusugan sa GRR TNT

ABANGAN ngayong Sabado, 9:00-10:00 a.m. ang Gandang Ricky Reyes, Todo Na Toh (GRR TNT) upang maaliw sa mga tatalakaying isyung pang-kagandahan at pang-kalusugan.

Maging El Nino o La Nina ang magaganap, kailangan nating maging handa. ‘Di tayo dapat magpatalo sa paiba-ibang lagay ng panahon.  “

“Dapat laging byuti, dapat laging healthy,” payo ng GRR TNT host na si Mader Ricky.

Siyempre, may tips ang beauty guru tungkol sa wastong pangangalaga ng buhok, kutis, at katawan.

Itatampok sa programa ang paggawa ng “smoothies” o pamatid-uhaw mula sa food supplement na Acai Berry na galing sa USA at isa ring anti-oxidant. Para sa mga nanay, mas okey ito kaysa pagbibigay sa kanilang mga anak ng soda o softdrinks at ibang palamig na inilalako sa kalsada.

Dadalhin tayong muli ni Mader sa kanyang Island Paradise sa Catalagan, Batangas. ‘Di lang pag-aaliw, paliligo sa naroong swimming pool at lugar para sa family bonding ang darayuhin natin saGolden Sunset Inn Resort and Spa. Mayroon ding tree planting. Tiyak na matutuwa kayo na bukod sa makatutulong sa kalikasa’y lalaki ang mga puno na nakalagay sa inyong pangalan.

“Plant a tree, save the environment,” sey ni Mader.  Pagmumulat din ito sa mata ng mga kabataan—ang pagmamahal sa kalikasan.

Ang GRR TNT ay napapanood sa GMA News TV tuwing Sabado.  Produksiyon ito ngScriptoVision.