Muntinlupa aangat kay Fresnedi

MULING nabuhay ang sigla ng Lungsod ng Muntinlupa sa pamumuno ni Mayor Jaime Fresnedi.

Kakaiba kasi ang estilo ng pamamahala ni Fresnedi lalo na sa usapin ng tahasang pagbibigay ng serbisyo sa tao.

Hands on leadership ang style ni Fresnedi kaya’t ang lahat ng kaliit-liitang detalye ng kanyang mga isinasakatuparang proyekto ay talaga namang nasa ayos at kapaki-pakinabang sa mamamayan ng Muntinlupa.

Maging ang mga tao ay umaayon sa sipag at aktibong pamamalakad ni Fresnedi dahil nakikita nilang ang kanilang ibinabayad na buwis sa pamahalaang lungsod at talaga namang napupunta sa maayos na proyekto na kailangan ng madla.

Ilan sa mga proyektong isasakatuparan ni Mayor Fresnedi ay ang scholarship program na talaga namang kailangang-kailangan ng kabataan sa ngayon.

Umabot sa P63 milyon ang kaniyang inilaan sa pag-aaral ng mga kabataan na base sa paniniwala ni Fresnedi ay siyang susi para makaahon sa buhay ang isang anak maralita.

Maging ang pagtatayo ng silid-aralan ay naging prioridad din ni Mayor Fresnedi at katunayan ay pasisimulan na niya ang construction ng 28 silid aralan sa Bgy Cupang.

Maging ang pagapapailaw ng buong siyudad gamit ang matipid at epektibong LED ay isasakatuparan na rin ni Fresnedi dahil naniniwala siyang ang maliwanag na kapaligiran ay siyang susi para sa tahimik na lipunan.

Hindi lamang ito ang mga mangyayaring pagbabago sa Muntinlupa kaya’t tayo nang makiisa dahil marami pang magagandang proyekto ang darating sa lungsod na talaga namang nangangailangan ng kalinga.

Alvin Feliciano