Sanggol iniwan sa 2 paslit, nalunod (Nanay namalengke)
NAGA CITY – Labis ang pagdadalamhati at pagsisisi ng isang ina nang malunod ang kanyang isang taon gulang sanggol na anak sa Nabua, Camarines Sur kamakalawa.
Ayon sa ulat, nahulog ang biktima sa ilog na malapit sa kanilang bahay sa Brgy. Santiago.
Napag-alaman, namalengke ang inang si Jennifer Ortega at iniwan sa kanyang 6-anyos at 4-anyos niyang mga anak kasama ng sanggol.
Habang naglalaro ang magkapatid ay nahulog ang sanggol at dumiretso sa ilog hanggang malunod.
Pinag-aaralan ng Department of Social Welfare and Development (DSWD) kung may pagkukulang sa panig ng ina ng sanggol nang iwan lahat ang kanyang maliliit na mga anak.
(BETH JULIAN)
