Saturday , July 2 2022

Obama nagdeklara ng suporta

HINDI kayang tibagin ang determinasyon ng Estados Unidos na ipagtanggol ang kaalyadong Filipinas.

Ito ang tiniyak ni US President Barack Obama sa kanyang talumpati sa harap ng mga tropang Filipino at Amerikano, at mga beterano sa Fort Bonifacio kahapon ng umaga.

Ang pahayag ni Obama ay ginawa isang araw makaraan hindi niya direktang tiyakin sa press conference sa Palasyo na ipagtatanggol ng US ang Filipinas sakaling tumindi ang tensyon sa agawan ng teritoryo sa West Philippine Sea.

Aniya, muling iginiit ng dalawang bansa ang commitment sa alyansang pinagbigkis ng Mutual Defense Treaty sa loob ng nakalipas na 60 taon.

“This treaty means our two nations pledge and I’m quoting ‘Our common determination to defend themselves against external armed attacks so that no potential aggressor could be under the illusion that either of them stands alone. In other words, our commitment to defend the Philippines is iron clad. And the United States will keep that commitment ‘cause allies do not stand alone,” ani Obama

Bagama’t hindi niya binanggit ang China, muli niyang binigyang-diin na ang mga bansa at kanilang mga mamamayan ay may karapatang mamuhay nang ligtas at mapayapa, kailangang igalang ang soberanya at integridad sa teritoryo.

“We believe that nations and peoples have the right to live in security and peace and have their sovereignty and territorial integrity respected. We believe that international law must be upheld, that freedom of navigation must be preserved, and commerce must not be impeded,” dagdag pa ni Obama.

Bumalik na kahapon si Obama pabalik sa Amerika makaraan ang dalawang araw na pagbisita sa Filipinas.

(ROSE NOVENARIO)

‘COMMITMENT’ NG US DAPAT  TUPARIN — CUISIA

UMAASA si Philippine Ambasador to Washington Jose Cuisia na tutuparin ng Amerika ang matagal nang kasunduan sa Filipinas na Mutual Defense Treaty (MDT) sakaling humantong sa giyera ang pag-aagawan sa ilang isla sa West Philippine Sea.

Sinabi ni Cuisa, dapat may commitment ang Amerika sa ilalim ng MDT na sasaklolohan ang Filipinas kung titindi ang tensiyon sa China.

Obligasyon aniya ito ng Amerika kaya ito ang kanilang inaasahan.

Ginawa ng ambassador ang pahayag kasunod nang pormal na paglalagda ng Filipinas at Amerika sa Enhanced Defense Comprehensive Agreement (EDCA).

Sa ilalim ng kasunduan, mabibigyan ng access ang mga tropang Amerikano sa military camps ng Armed Forces of the Philippines (AFP) at maaaring maglagay ang US ng fighter jets at barkong pandigma.

Nilinaw ni Ambassador Cuisia na ang 10-year defense agreement ay hindi naglalayon na magtayo ng panibagong base militar ang Amerika sa bansa.

(LAYANA OROZCO)

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply