IC, isasantabi muna ang pag-arte

ni  Regee Bonoan

KASAMA na si IC Mendoza sa Confessions of A Torpe bilang best friend ni Alice Dixson at kapapasok lang daw niya tatlong linggo na ang nakararaan.

Bilib naman kami sa tawa-serye ng TV5 dahil kung kailan ito magtatapos ay at saka naman nagdaragdag ng cast tulad nina Marvelous Alejo na love interest ni Mark Neumann.

Samantala, thankful pa rin si IC dahil maski na nawalan siya ng projects sa TV5 ay marami pa rin siyang raket outside showbiz.

“Okay naman na ako, kasi may ibang raket din naman ako at saka may ilang corporate shows naman,”say ni IC.

May day job si IC bilang publicity director/event organizer ng Capture Dream Production kaya maski paano ay may pinagkukunan siya sa pang araw-araw niyang gastusin. Say nga ni IC, “I realize na mas effective ako sa pag-handle ng event at pagiging TV host, of course I like acting pa rin pero on the side na lang ang pag-aartista. Sayang naman din kasi ang raket sa TV at movie.”

Ang project ngayon ng Capture Dream Production ay ang Search for Little Miss Earth Philippines nationwide noong Mayo 21 na ginanap sa Manila Ocean Park. Pero naunang project ni IC sa Capture Dream Production ang search for Miss Teen Earth Philippines na ginanap naman sa Holiday Inn, Makati City kamakailan at magkakaroon ng Gala night sa May 24 SM Arena at sa Mayo 27 naman ang mismong pageant night sa kaparehong venue at mapapanood ito sa Hunyo 8, sa GMA 7.

Ang Search for Little Miss Earth Philippines ay 20 na ang napili sa mahigit na 150 auditions.