Kim, nadale ang ilong nang maaksidente

ni  Maricris Valdez Nicasio

HINDI pa rin nagpapigil si Kim Chiu na mag-taping ng kanyang master seryeng Ikaw Lamang noong Miyerkoles matapos siyang maaksidente.

Ayon sa ABS-CBN entertainment news website, Push, natutulog nang mga oras na iyon si Kim patungo sa taping ng Ikaw Lamang nang bilang magpreno ang driver ng kanyang sasakyan kaya naman bigla siyang tumilapon at tumama ang kanyang mukha sa front seat.

Ani Kim, biglang tumulo ang dugo mula sa kanyang ilong at nakarinig siya ng pag-crack mula roon. Bagamat ayaw tumigil ang pagdugo ng ilong, dumiretso pa rin ang aktres sa taping. Pero agad naman itong ipinadala sa ospital.

Agad namang nagamot ang ilong ni Kim kaya naman agad din iyong bumalik sa taping ng Ikaw Lamang.

Nakakuha kami ng litrato ni Kim matapos ang aksidente mula sa abscbnnews.com at tila hindi naman ininda masyado ni Kim ang aksidenteng nangyari.