Tates Gana, mas kinakampihan kompara kay Bistek

ni  Ed de Leon

TINGNAN nga naman ninyo si Mayor Bistek (Herbert Bautista), lehitimong artista iyan. Taga-showbusiness iyan simula pagkabata niya. Riyan na nagkamalay at tumanda sa showbusiness iyan eh. Ngayon na nasuot siya sa isang controversy matapos niyang ligawan si Kris Aquino, mas nakisimpatiya pa ang mga tao sa kanyang common law wife na si Tates Gana. Noong sinasabing iniwan na niya ang kanyang girlfriend na kung kanino may dalawa siyang anak, siya ang binalingan ng mga tao. Bakit ganoon?

Kung iisipin mo hindi lang naman ngayon nangyari iyan eh. May girlfriend din si Mayor Bistek noon, dalawa rin ang anak niya roon sa nauna. Noong sumama siya riyan kay Tates, hindi naman ganyan ang reaksiyon ng mga tao eh. Iniisip lang namin, baka naman dahil hindi lang siya hinabol talaga niyong nauna niyang iniwanan. Puwede rin namang hindi talaga ganoon ang nakukuhang simpatiya ni Kris sa showbusiness kaya parang mas kinakampihan pa nila si Tates.

Dapat mag-isip nang husto si Mayor Bistek, dahil hindi naman niya maikakaila na may ambisyong political pa siya at mukhang hindi magandang feedback iyang lumalabas ngayon. Mas kinakampihan ng tao iyong kanyang dating common law wife kaysa kanya. Mag-iisip ka rin kung paanong nangyayari iyon at kung bakit nangyayari iyon.

Naku Tita Maricris, mahal na araw na, huwag na nga nating pag-usapan iyan.