Kristek, ‘di magtatagal!

ni  Vir Gonzales

[divider]
MARAMI ang nagkokomento na hindi maganda ang pagkaka-link ni Mayor Herbert Bautista kay Kris Aquino. Marami ang nabigla dahil alam ng marami kung gaano kamahal ng babaeng kinakasama niya ngayon si Bistek at kung gaano kalaki ang naitutulong nito sa mga gawaing hindi magampanan ni Bistek.

Lalo na sa mga taga-showbiz. Walang sinumang nabigo sa mga lumalapit sa babaeng nagmamay-ari ng puso at pagmamahal ni Mayor. Nakagugulantang talaga, isang araw bigla na lang sumabog ang balitang sila na ngayon ni Kris.

Kung gimik man ito, hindi maganda para kay Mayor Bistek. Iba raw ang magiging pagtanggap para sa mga kababayan sa Quezon City. Alam ng marami na hindi magtatagal ang relasyong Kristek.

Sana, hindi totoo ang mga samo’t samong balitang kumakalat sa paligid, lalo sa mundo ng showbiz. Napakaganda kasi ang performance ni Bistek bilang Quezon City Mayor. Nakakahinayang kung mababahiran ng pag-aalinlangan.