HATAW! D'yaryo ng Bayan hatawtabloid.com
ni Reggee Bonoan
AAMININ kaya ng isang aktres na kaya siya umalis ng bansa ay para subukan ang suwerte niya sa ibang bansa?
Ang alibi kasi ng aktres ay mag-aaral siya ng crash course sa bansang pinuntahan niya, pero ang totoo ay nag-aplay siya sa iba’t ibang agency sa bansang pinuntahan para sa matagal na niyang pangarap na maging artista rin doon.
Pero hindi nakapasa ang aktres sa audition dahil wala naman siyang backer. Ilang beses sumubok si aktres sa iba’t ibang agency sa bansang pinuntahan, pero rejected siya parati dahil hindi raw bagay sa aktres ang papel na mahirap dahil mukha siyang mayaman.
“Pangalawa ay malaki ang katawan ng aktres at mukha siyang nanay na kaya mas lalo siyang tinanggihan ng agency na nagdadala ng talents doon,” say sa amin ng nakaaalam.
Dumating na sa bansa ang aktres at sa mga kaibigan muna siya nagpakita dahil sobrang na-miss daw niya ang mga ito.
Ang tanong, ano nga ba ang career ngayon ng aktres? Hindi siya tanggap sa Pilipinas at hindi rin siya tinanggap sa ibang bansa na roon nag-u-umpisa ang lahat ng pangarap ng tao.
