Paroladong nangreyp ng anak, naglason

NAGA CITY – Uminom ng lason ang 49-anyos lalaki makaraan ireklamo ng rape ng kanyang sariling anak sa Castilla, Sorsogon.

Ayon sa ulat, nasa himpilan ng pulisya ang suspek nang bigla na lamang bumula ang bibig.

Ayon sa mga awtoridad, bago pa man dalhin sa himpilan ay idinaan sa pagamutan ang suspek dahil sa kakaibang kondisyon.

Ngunit ayon sa doktor na tumingin, nerbiyos lamang ang nararamdaman ng suspek.

Nang nasa himpilan na ng pulisya, nakita na lamang na hindi na humihinga ang suspek at bumubula ang bibig.

Napag-alaman, bago arestuhin ng mga pulis ay nagpaalam ang suspek na iinom ng juice.

Ngunit nang amuyin ng mga pulis ang bibig ay amoy pesticide.

Samantala, dati nang nakulong ang nasabing suspek sa kasong murder ngunit nakalaya matapos mabigyan ng parole.