Kelot tumalon sa footbridge dedo sa ospital (Bahay inagaw ng madrasta)
PATAY ang 26-anyos lalaki makaraang tumalon mula sa footbridge ng EDSA Rotonda kahapon ng umaga sa Pasay City.
Agad dinala ng mga tauhan ng Pasay Rescue Team ang biktimang si Romuel Joves ng Block 10, Lot 12, Kalayaan Village, Brgy. 201, sa Pasay City General Hospital ngunit binawian ng buhay makaraan ang tatlong oras dahil sa pinsala sa ulo at pagkabali ng hita.
Base sa imbestigas-yon ni SPO3 Allan Valdez, dakong 8 a.m. nang mangyari ang insidente habang patungo ang biktima at kanyang inang si Lude Briones, 66, sa paga-mutan upang magpati-ngin kaugnay sa dina-ranas na depresyon.
Bago ang insidente, kumain muna sa fast food restaurant ang mag-ina at matapos kumain ay umakyat sa hagdanan patungong MRT ang biktima na agad sinundan ng ina.
Nagulat na lamang ang ginang nang biglang yumakap ang anak sa footbridge na nag-uugnay sa MRT at LRT at biglang tumalon.
Nagsimula ang dinaranas na depresyon ng biktima mula nang paalisin sila sa tinitirhang bahay at lupa ng kinakasama ng kanyang ama na humantong sa demandahan.
Ang biktima ang palaging dumadalo sa pagdinig sa kasong naka-binbin sa Pasay City Regional Trial Court (RTC).
(JAJA GARCIA)
