P50-M shabu sa Pasay kompiskado

MAHIGIT P50  milyong halaga ng shabu ang nasabat ng mga awtoridad sa buy-bust operation sa lungsod ng Pasay.

Iniulat ni Philippine Drug Enforcement Agency (PDEA) public information officer Derrick Carreon, dalawang babae at isang lalaki ang kanilang naaresto sa nasabing operasyon sa bahagi ng Baclaran area.

Magugunitang noong nakaraang buwan, nasa P100 million halaga rin ng illegal drugs ang narekober ng mga tauhan ng National Bureau of Investigations sa pinaniniwalaang pagawaan ng ipinagbabawal na gamot sa Bonifacio Global City sa Taguig.