HATAW! D'yaryo ng Bayan hatawtabloid.com
ni James Ty III
IPINAKILALA na ang 40 kandidata para sa ika-51 na pagdaraos ng Bb. Pilipinas Beauty Pageant ngayong taong ito.
Noong Biyernes ay pormal na ipinakilala ang mga kandidata sa mga nag-shopping sa Araneta Center bilang pagdiriwang ng Chinese New Year.
Kasali sa mga kandidata ang mga dating runner-up na sina Mary Jean Lastimosa at Pia Wurtzbach na naging artista rati ng ABS-CBN Star Magic.
Sisikapin nina Mary Jean at Pia na maka-jackpot sa pageant tulad ng nangyari kina Venus Raj at Janine Tugonon na ilang beses na natalo bago sila sinuwerte at naging runner-up pa sa Miss Universe.
Sa mga baguhang kandidata, ilan sa mga paborito ay si Nicole Manalo, ang kapatid ng dating Bb. Pilipinas na si Bianca Manalo, pati na rin ang radio DJ at newscaster na si Carla Jenina Lizardo.
Sa nasabing pageant ay pipiliin ang mga papalit kina Miss Universe 2013 3rd runner up Ariella Arida, Miss Supranational Mutya Johanna Datul, at Miss International Bea Rose Santiago.
Gagawin ang coronation night ng Bb. Pilipinas 2014 sa Marso 30, Linggo ng gabi sa Smart Araneta Coliseum at ipalalabas sa ABS-CBNpagkatapos ng Gandang Gabi Vice.
