Wagi sa cara y cruz itinumba
TIGOK ang isang lalaki matapos barilin ng hindi pa nakikilalang suspek, kahapon sa Quezon City.
Sa ulat ng Quezon City Police District-Criminal Investigation Detection Unit (QCPD-CIDU), kinilala ang biktimang si Raymond Masela, 27-anyos, residente ng Covenant Village, Brgy. Sila-ngan.
Ani PO2 Rhic Roldan Pittong, dakong 1:00 ng madaling araw nang mangyari ang insidente sa covered court ng nabanggit na barangay.
Papauwi na ang biktima, matapos maglaro at manalo sa cara y cruz nang bigla siyang pagbabarilin sa dibdib at tiyan.
Matapos ang pama-maril, umeskapo ang suspek sa ‘di mabatid na direksyon dala ang baril na ginamit.
Ani Pittong, aalamin pa nila kung sino ang hu-ling nakasama ng suspek bago ang pamamaslang.
(JETHRO SINOCRUZ)
