Estudyante naglason sa memorial park

PATAY na nang matagpuan sa loob ng memorial park sa Brgy. San Agustin, Malolos City ang computer science student na hinihinalang uminom ng silver cleaning solution kamakalawa.

Kinilala ang biktimang si Jerry Ople, residente ng Brgy. Sto. Rosario sa nabanggit na lungsod.

Ayon sa nakuhang impormasyon ng pulisya sa dalawang estudyanteng babae, dakong 2:30 p.m. nang makita nila ang biktima na umiinom ng softdrink habang nakaupo sa nitso hanggang biglang natumba at nadapa.

Agad humingi ng saklolo ang dalawang estudyante ngunit wala nang buhay nang abutan ang biktima ng nagrespondeng rescue team.

Natagpuan sa lugar ang isang bote ng softdrink at maliit na bote na may natira pang silver cleaning solution.

(DAISY MEDINA)