UMABOT sa 2,876 na pasahero ang na-stranded sa pantalan sa Matnog, Sorsogon, dahil sa walang humpay na pag-ulan dala ng umiiral na low pressure area (LPA).
Nabatid sa Philippine Coast Guard (PCG), hindi na pinayagang makapaglayag ang mga barko sa nabanggit na pantalan dahil sa malalaking alon ng karagatan.
Sa kasalukuyan, mahigpit pa rin ang isinasagawang pagbabantay ng PCG sa daungan para tiyaking walang makalulusot na barko upang maiwasan ang sakuna sa karagatan. (leonard basilio)
