HATAW! D'yaryo ng Bayan hatawtabloid.com
SA taong ito ay nagkaproblema si Governador ER Ejercito sa pagsali ng kanyang Shoot-To-Kill: Boy Golden simula pa lamang ng screening ng mga kalahok. Hindi na kasi agad ito pinalad na mapabilang sa mga napiling festival entry.
Natural na naging desmayado ang gobernador pero umiba ang ihip ng hangin at malaki ang kanyang pasalamat nang may isang kalahok na pelikula ang umatras kaya nagkaroon siya ng pagkakataong makapasok.
Hindi lang doon nagkaroon ng sobrang pagkadesmaya si Gov. ER dahil noong awards night ay tanging Best Float ang kanilang nakuhang karangalan samatalang nakakuha ito ng Grade A mula sa Cinema Evaluation Board. Pero etsapuwera sa ibang kategorya at hindi man lang napasama sa tatlong Best Pictures na napanalunan ng mga pelikula nina Vice Ganda, Bimby Yap, at Ryza Mae Dizon at 10,000 Hours ni Robin Padilla na nanalo rin ng Gatpuno Villegas Memorial Award.
Aniya, ”Well, sa totoo lang eh, tayo naman ay totoong may salita. Napakaraming pelikula pero dalawa lamang ang graded A ng Cinema Evaluation Board, isa ay idinerehe ni Joyce Bernal (‘10,000 Hours’) at ang isa naman ay kay Chito Rono (‘Boy Golden’). Ahhh, napakadaling nominations na dapat pinagbigyan ng awards ang karapat-dapat.”
Kapansin-pansin na comedy at horror films ang mga nanguna sa takilya . Kaya naman, kahit maraming clamor sa kanya sa social media na gumawa ng action movie at gumanap na gangster ay mag-iiba na siya ng tema sa susunod na ilalahok sa pestibal. Tiniyak nitong hindi na sila pahihirapan dahil pang-wholesome na ang gagawing pelikula. Naikuwento rin ng aktor na may plano siyang gumawa ng pampamilyang pelikula at ito ay tungkol sa karakter niPedro Penduko at makakasama niya rito si Angel Locsin bilang si Maria Makiling.
Ayaw nitong aminin na ito ang kanilang magiging panlaban sa susunod na pestibal pero sa tema ay pelikula, pampestibal ang pinaplanong pelikula. ’Ika nga, kung gusto mo ng magandang laban, sabayan mo ang mga kalaban para magkasubukan.
(Alex Datu)
