MA at PA
ni Rommel Placente
AKALA namin ay okey na ang kondisyon at magaling na talaga ang komedyante at impersonator ni Nora Aunor na si Ate Gay.
Pero nakaratay pala siya ulit sa intensive care unit (ICU) ng Asian Hospital and Medical Center sa Muntinlupa City.
Ilang araw matapos mangyari ang viral “Living Funeral” para kay Ate Gay o Gil Aducal Morales sa tunay na buhay, muli siyang isinugod sa ospital dahil sa komplikasyon sa kanyang cancer.
Sa isang Facebook post, ibinalita ng pamilya niya na halos isang linggo na siyang nasa ICU.
Ipinakita pa nila ang kopya ng Progress Payment Request Letter mula sa ospital, kalakip ang paghingi ng tulong sa pagpapagamot ni Ate Gay.
Base sa PPRL, umabot na sa P2,435,218.96 ang hospital bill ng stand-up comedian kaya naman nanawagan na ng financial assistance ang kanyang pamilya upang matustusan ang medical needs nito.
“Our beloved Gil Aducal Morales known to many as Ate Gay has been confined in the Intensive Care Unit (ICU) at Asian Hospital and Medical Center for almost a week,” simulang mensahe ng pamilya ni Ate Gay.
“During this difficult time, our family is humbly reaching out to your kind hearts for any financial assistance to help support his ongoing medical needs.
“We are deeply grateful to everyone who has already extended their kindness and generosity.
“No amount is too small. Every contribution, prayer, and share means so much to our family.
“We humbly ask for your kindness and prayers as we continue to hope for his recovery.
“From the bottom of our hearts, thank you for your love, generosity, and support. With love and gratitude,
“The Family of Gil Morales (Ate Gay).”
Maaaring ipadala ang tulong kay Mark Thew Morales sa pamamagitan ng kanyang RCBC Savings Account na may numerong 9032693623.
