Mr. and Ms. Hotel Sogo Ambassadors ipinakilala na!

MAGANDA ang layunin ng Hotel Sogo at Gandang Ricky Reyes sa pagbuo ng proyektong Mr. and Ms. Hotel Sogo Ambassadors (MMHSA), ito ay ang advocacy nila for promoting goodwill.

Ang MMHSA din daw ay tribute sa Modern Filipino at Filipina icons na ang virtues at ideals ay siyang simbolo ng isang unique Filipino culture at values.

Ipakikita ng 16 na contestant ng MMHSA ang magagandang katangian ng mga Pinoy gayundin ang kagandahan ng Pilipinas sa pamamagitan ng kanilang advocacy statement. Ito ay ang pagpo-promote ng growth and development sa bawat contestant.

Ayon sa Hotel Sogo, ang mapipiling MMHSA ay bibigyan ng financial assistance in the form of cash prizes and employment opportunities; will recognize and honor them with the traditional Filipino traits of honesty, good character, talent, poise, intellect, leadership and good judgement; at magsisilbi silang modelo para sa iba pang kabataang may kaparehong goal at personal characteristics sa kanila.

Bale mapapanood ang MMHSA seach sa isang 13-segment ng Gandang Ricky Reyes sa GMA NewsTV11. Ipakikita rito ang 16 aspiring ambassadors ukol sa kanilang kanilang lives, inspirations and advocacies. Siyempre pa tampok din ang series of activities na gagawin ng 16 na nagpapakita ng kanilang eagerness at compassion para makatulong sa kanilang kapwa. At para maging Hotel Sogo Ambassador, dapat na maka-adapt sila sa anumang sitwasyon na may dignidad at tiwala.

Ang 16 na masuwerteng nakapasok sa MMHSA ay sina Vince Vargas, 20 ng Malabon City; Justine Ray Labandelo, 28 ng Olongapo City; Rendon Eligino Labador, 27 ng San Jose Del Monte, Bulacan; Angelo Erico Gabriel Bour Marzan, 21 ng Olongapo City; Frederick Edward Castor, 23 ng Marikina City; Reamark Reduccion, 19 ng Marikina City; Paul Andrew Belmonte, 22 ng Marikina City; Paul John Andasan, 22 ng Marikina City; Glaiza Sarmiento, 23 ng Makati City; Zandra Ramos, 28 ng Makati City; Avi Karlyn Pascual, 20 ng Manila; Bernadette Melissa Paex, 22 ng Sta. Rosa, Laguna; Honeylette Abiad, 26 ng Las Pinas City; Angelica Oba, 21 ng San Pablo, Laguna; Patria Lorinne Belmonte, 24 ng Marikina City; at Andrea Fatima Infante, 25 ng Makati City.

Ipinakilala ang 16 na magtutunggali bilang MMHSA kamakailan kasabay ang pirmahan ng memorandum of agreement (MOA) ng Sogo Hotel at ng GRR.

Maricris Valdez Nicasio